Shtërpcë, 22 prill 2026
Drejtoresha Ekzekutive e Fondit të Efikasitetit Energjetik të Kosovës, Njomza Hoxha, ka vizituar Komunën e Shtërpcës dhe u takua me Kryetarin e Komunës, Ivica Tanasijevic.
Gjatë takimit u diskutua situata aktuale me ndërtesat publike në lidhje me efikasitetin energjetik dhe mundësia e bashkëpunimit midis Komunës së Shtërpcës dhe Fondit të Efikasitetit të Energjisë përmes realizimit të projekteve për përmirësimin e ndërtesave publike në nivel lokal.
Kryetari i Komunës së Shtërpcës, Ivica Tanasijevic,ka falënderuar Drejtoreshën e Fondit për vizitën e saj dhe shtoi se realizimi i këtij lloj projekti do të jetë me rëndësi të madhe si për institucionet ashtu edhe për qytetarët e zakonshëm, sepse thirrja për projekte për efikasitetin të energjisë, të cilën Fondi do ta iniciojë në periudhën e ardhshme, së pari do të jetë e hapur për qeveritë lokale, ndërsa në fazën tjetër thirrja do të vlejë edhe për qytetarët, të cilët do të jenë në gjendje të marrin fonde për rinovimin e çative, zdrukthëtarisë, izolimin termik dhe blerjen e pajisjeve moderne dhe kursyese të ngrohjes.
Bashkëbiseduesit ranë dakord se në periudhën e ardhshme është e nevojshme të intensifikohet bashkëpunimi përmes projekteve specifike dhe koordinimit të rregullt midis të gjitha palëve.
