Kryetari i Komunës së Shtërpcës, z. Ivica Tanasijevic, ka nënshkruar sot një Memorandum Bashkëpunimi me përfaqësuesit e PREDA plus dhe ASB, të cilat po zbatojnë projektin trevjeçar Fuqizimi i Grave Sipërmarrëse në Kosovë, i cili financohet nga Ministria Gjermane për Bashkëpunim Ekonomik dhe Zhvillim (BMZ).
Projekti parashikon ndërtimin e një ekosistemi më gjithëpërfshirës dhe mbështetës për bizneset e drejtuara nga gratë, përmes përmirësimit të aftësive të biznesit, krijimit të rrjeteve mbështetëse, zhvillimit të Masave Strategjike për zhvillimin e sipërmarrjes së grave, si dhe sigurimit të pajisjeve për bizneset në pronësi të grave.
Kryetari falënderoi përfaqësueset e projektit, duke theksuar se komuna do të ofrojë mbështetje maksimale për zbatimin e këtij projekti, duke pasur parasysh rëndësinë e sipërmarrjes së grave në zhvillimin e përgjithshëm ekonomik, si një nga qëllimet prioritare të komunës së Shtërpcës.
