Komandanti i ri i KFOR-it i komandës rajonale – perëndim, komandanti italian, kolonel Gabriele Vacca, ka vizituar sot komunën e Shtërpcës dhe me atë rast ka takuar kryetarin e komunës, Dalliborin Jevtiq.
Temat e takimit të sotëm, natyrisht, ishin të karakterit të sigurisë dhe kryetari i Komunës së Shtërpcës shfrytëzoi rastin për të theksuar ndikimin e proceseve politike në sigurinë e bashkëqytetarëve tanë në komunën e Shtërpcës dhe posaçërisht u theksuan ngjarjet aktuale politike në kuptimin e asaj që ndikon në funksionimin e një vetëqeverisje lokale.
U dakorduan që në të ardhmen të vazhdohet me lloje të ndryshme bashkëpunimi, brenda kufijve të misionit të tyre dhe në bazë të kësaj të mbahen kontakte dhe takime, sepse gjatë takimit kryetari i komunës ka cekur të dhënat e atyre gjerave që ka ndodhur në këtë vit dhe vitet e kaluara. “Më kujtohet ajo që ndodhi më 6 janar, kur u qëlluan Stefan dhe Milloshi dhe vendimi i turpshëm për lirimin e autorit. Dhe ky është një shembull i keq i asaj që duhet të ndërtohet këtu, që është siguria, para së gjithash, për të gjithë qytetarët”.
