Në koordinim me Organizatën për Siguri dhe Bashkëpunim Evropian (OSBE), Komuna e Shtërpcës sot ka nënshkruar një memorandum mirëkuptimi për themelimin e Mekanizmit Koordinues Komunal kundër dhunës në familje.
Në ceremoninë e nënshkrimit kanë marr pjesë kryetari i komunës, Dalibor Jevtiq dhe drejtoret të drejtorive komunale, përkatëse si dhe shefi i misionit të OSBE-së në Kosovë, Majkl Davenport, këshilltare politike i koordinatorit kombëtare për luftën kundër dhunës në familje, Nazlije Bala, përfaqësues të drejtësisë, prokurorisë, policisë dhe sektorit civil.
Pas nënshkrimit të memorandumit, kryetari Jevtiq ka theksuar se ky është një nga mekanizmat më të rëndësishëm të mbrojtjes institucionale me të cilin ne përpiqemi jo vetëm të reduktojmë dhe parandalojmë rastet e dhunës në familje, por edhe në shoqëri në përgjithësi. Ai po ashtu ka shtuar se në të gjitha institucionet relevante në komunën e Shtërpcës, viktimat e dhunës në familje do të kenë të gjithë mbrojtjen dhe ndihmën e nevojshme dhe se themelimi i këtij mekanizmi i cili u nënshkrua sot do të ndihmojë.
Pas nënshkrimit të memorandumit, Radica Milosavljeviq, zyrtare komunale për barazi gjinore, njëzëri u zgjodh Koordinatore komunale e mekanizmit kundër dhunës në familje.
