Përshëndetje qytetarë të Shtërpcës,
Fondacioni IPKO ka nisur organizimin e edicionit të dytë të Wiki Academy Kosovo. E kemi quajtur këtë edicion të dytë një maratonë të qyteteve duke qenë se çdo artikull i shkruar kësaj radhe do të tregojë diçka për një nga nëntë qytetet që janë në garë (Prishtine, Prizren, Gjakove, Peja, Mitrovica, Gjilani, Ferizaj, Shtërpce e Gracanice).
Wiki Academy është një projekt që ka të bëjë me diplomacinë digjitale dhe çdokush mund të marrë pjesë në garën për fotografi dhe/ose atë për artikuj. Çdo artikull e fotografi që do të bëhet pjesë e garës do të kontribuojë në njohjen më të mirë të komunës së caktuar në botë. Informatat mbi projektin mund t’i gjeni në. www.wikiacademykosovo.org.
Ky projekt ka për qëllim të shtoj numrin e artikujve dhe fotografive që flasin për komunat e ndryshme në Wikipedia në gjuhën angleze. Pjesëmarrësit do të dëgjojnë ligjërata nga kjo fushë nga ekspertë kombëtar dhe ndërkombëtar dhe do të marrin pjesë në garën që do të rezultojë me një shumë të konsideruar shpërblimesh. Është rasti më i mirë për të fituar aftësi të reja në hulumtim dhe shkrim profesional si dhe editim në enciklopedinë më të njohur elektronike në botë.
Shkrimi i këtyre artikujve do të bëhet nga njerëz të ndryshëm, kryesisht studentë, nxënës e të tjerë përgjatë dy fundjavave të para të muajit Mars. Kështu na duhet angazhimi i njerëzve që kanë dëshirë, ide dhe aftësi për të hulumtuar dhe shkruar artikuj profesional po mbi të gjitha që kanë vullnetin e mirë për të kontribuar për komunën në të cilën jetojnë.
Prezantimi detal i projektit do te mbahet te merkuren, me 22.01.2014, me fillim ne ora 12, ne lokalin "CITYCAFFE", Shterpce.
Presim pjesëmarrjen tuaj në prezantim dhe në projekt që ta bëjmë atë sa më të suksesshëm për të mirën e komunës suaj.
Me respekt,
Fondacioni IPKO
Fondacioni IPKO ka nisur organizimin e edicionit të dytë të Wiki Academy Kosovo.
